إجاني الطلق يوم الاربعا الساعة 3 الصبح طبعا كنت نايمة وصحيت ع بداية الوجع كان خفيف يعني يدوب احس بوجع بضهري يجي ويروح ويرجع تاني بعد نص ساعة المهم ضليت ع هادا الحال لحد ما سار بين الطلقة والتانية 10 د وسارت الساعة 9 الصبح طبعا الكل بحكي روحي ع المستشفى لما تقرب الطلقات ع بعض لكن الي سار معي انو الطلقات كانت قريبة على بعض لكن مدة الطلقة ما كانت طويلة يعني بحدود نص دقيقة المهم رحت المستشفى الساعة 9 حكولي موسعة 3 سم ووضع الجنين كويس من ناحية الميا والنبض وخيروني بين اني اضل او اروح وحكيت خلص بروح وبرجع الهم تاني وانا مستوية المهم روحت علبيت وصبرت ع حالي طول النهار وما خليت شي ما عملتو مشيت بلبيت كتير وكل ما تجيني طلقة كنت اعمل تمرين القرفصا وشربت قرفة ويانسون ودهنت بطني زيت زيتون وحبة بركة وحطيت رجليا بميا سخنة زي ما قالو ع نت وكل وتحممت 3 مرات بميا دافية ولما حسيت الطلقات سار بين الوحدة والتانية 4 دقايق رحت المستشفى وكانت الساعة 9 بليل يعني حكيت هلاء بكون مستوية ووصلت المستشفى والدكتورة فحصتني وإذا هي بتقلي لسا من 2-3 سم ، انا سمعت هالكلمة نصدمت وسرت اعيط اعيط مش قادرة اسكت وحكولي بلمستشفى اقعدي عنا ساعتين تحت الملاحظة حكنالهم ماشي ،، قعدنا لحد مسارت الساعة 10 ونص وانا يأست خلص لانو الوجع زي مهوا وما في اي علامة ولادة نزلت عليا وخلص قلت لاهالي نادو الدكتورة تفحصني بدي اروح وبعد ما حكيت كدة بخمس دقايق اجتني طلقة قويةة وبعدها حسيت شي غريب سار تحت زي كانو بالون ونفجر ونزلت عليا ميا مع مخاط وشوية دم وحكتلي الدكتورة خلص لازم تبقي عنا وفحصتني لقتني موسعة 4 سم قالتلي مش حعملك فحص داخلي كل شوية لانو كتر الفحص الداخلي بعمل التهابات وضلو يجيني طلق وتنزل ميا وكل شوي يشتد اكتر وتسير الطلقة مدتها اطول يعني دقيقة او اكتر شوي لساعة 5 الصبح وولدت الحمد لله بعد عناء وجهد وتعب وربنا رزقني بولد وسميناه ياسين ع اسم عمو شهيد وسبحان الله اجا بنفس تاريخ ذكرى استشهاده