قصه ولادتي بكريه اخر دورة 4/19 طبعا كان الي يومين وجع بس بالليل مع حرقه شديده بعدها اجاني تقريبا وجع دورة خفيف عالوحده الضهر مع مغص خفيف ضليت لل6 مسا وخليت جوزي ياخدني ع الدكتور طلع معي طلق متوسط مع واحد سانتي ف عطول اخدت ابره الرئه وكان المفروض اخد الابرة التانيه عال6الصبح واخدت ابر وادويه عشان يخف الطلق وياخرو الولاده اقل شي لاخد ابرة الرئه التانيه طبعا اجتني امي لتاخدني لانو المشفى قريب عليهم خصوصا لانو منطقتي ما فيها مستشفيات المهم الطريق اخد معنا ساعه والطلق كل ما فيه بزيد لحد ما وصل مابين كل طلقه دقيقتين هاد كلو ولسا واحد سانتي رحت المشفى وكتبولي دخول وعلى اساس انو بحاولو باخرو الولاده لاخد الابرة بس اعطوني طلق صناعي بدون مابعرف وعاساس انو الي بعطوني ياه مسكن وكلت امري لرب العالمين ... صارت الساعه 12 فحصوني داخلي مرة تانيه طلع التوسع 5 يعدها بنص ساعه صار 8 سانتي وبلشت الحرب وعطول مافي دقيقتين صار 10 سانتي اجى الدكتور ونزل مي الراس انا خفت ومع الوجع فقدت بطلت اجمع نسيت اسمي وعمري وشو جابني لهون وصرت كل ما تجيني الطلقه ببلش بالدكتور وبتخانئ معو وبضربو وطبعا غير المسبات واول مرة اصرخ باعلى صوتي بقلب ورب صراحه كان وضع مووو طبيعي بالمرة طبعا ما قصرت نتفت شعري وشعر الدكتور والممرضه اكلت ضرب مني بحياتها كلها ما داقتو حتى جهاز النبض الي حطو ع بطني عصبت شلتو ولطشتو براس الدكتور غير ضرب الرجلين وكل هاد مش راضيه تطلع اخر شي اخدوني غرفه الولاده وبعد ما فقدو الامل لانو البيبي علق وانخنق عملولي شق عجان وياريتهم ما عملولي انتقمو مني فيها الشق كبير واخيرا بعد عناء طلعت بنوتي الي عاساس اني حامل بولد بس سبحان مغير الاحوال من بدايه حملي وكل شي كان بجل ع انو حامل بولد شكل بطني وبالسونار وبالاحلام وبمليون شغله بين معي ولد وبالاخير جبت بنت وهلا انا طلعت من المشفى وبنتي حطوها بالخداج لحد ما تتحسن ان شاء الله لانو جبتها بيومين بالتامن ووزنها 2 كيلو بسس الله يشافيها ويعافيها ويفرح ابوها فيها ادعولها يخواتي يارب تقوم بالسلامه 😘