العضوة: 638652 , 5 years ago

الله يسعدك ويتمملك على خير .. بشكل عام الدكتور كان يحكيلي بعد الولادة لازم احافظ فترة بين ٣ اشهر بس برضو بختلف من جسم لجسم وبتكون المحافظه اخف من فترة الحمل بكون لازم تقليلي سكريات وبس يعني بتقدري تقولي فترة اخف من فترة الحمل واهون بس مهم تلتزمي مهم بعد الحمل بها الفترة وبرضو بأثر من جسم لجسم يمكن بسرعه يروح ويمكن يوخذ وقت ... المشكله سكر الحمل اذا زاد بالحمل او انخفض كثير مو منيح للجنين ولا للام لانو برضو لا سمح الله بسبب موت الجنين بالاشهر الاخيرة لا سمح الله اذا ما التزمت الحامل عشان هيك فترة اخر اشهر لازم تتابعي منيح وبتبدي تتابعي حركاتو منيح ولازم تضلك تشعري فيها بعد الاسبوع ال ٢٨ ببدا السكر يأثر بشكل اكبر ولازم الالتزام منيح بهيك وقت ... وما تخافي ابدا اذا التزامتي كللشي بكون تماام ان شاء الله .. من تجربتي كنت كثير اروح فحوصات متابعه صح بتعب شوي بس بضل متابعه الجنين وبضل نفسيتي مرتاحه على الاقل .. وكل تجربة حمل بتعلمك اشي بالحياه فأبدا ما تخلي ها الاشي يتعب نفسيتك بالعكس .. وسلامتك حبيبتي ...

العضوة: 809377 , 5 years ago

@user-674897 ربي يسعدك ويريح بالك انا من النوع الحريص وراح التزم بالحمية وإنشالله خير يارب

العضوة: 809377 , 5 years ago

@user-698113 إنشالله يارب

العضوة: 809377 , 5 years ago

@user-755679 ربي يتمملك حملك على خير وانا كمان مثلك عندي ثلاث اطفال وهادا الحمل الرابع واول مرة بيصير معي سكر الحمل بيجوز لانو صرت فوق الثلاثين !

العضوة: 809377 , 5 years ago

@user-638652 ربي يسعد ويريح بالك إنشالله راح التزم بالحمية والمراقبة الدائمة وإنشالله خير يارب

العضوة: 779161 , 5 years ago

@user-809377 اهم شي بالحمل عشان نتفادى السكر والضغط بأنواعها الارتفاع والهبوط لازم تنظيم لوجباتك ماتجلسي لحد ماتدوخي جوع وتاكلي يعني تفطري شي خفيف وبعدها بساعتين تاكلين وهكذا ماتحلسين اكثر م̷ـــِْט ساعتين بدون اكل لو بسكوت مالح او شابوره او خبزة بر مع خيار وطماط نوعي مع الالتزام بالحميه تبعدين عن السكريات وقدامك العافيه اغلب الحوامل يجيهم ويروح مع الولاده لاتشن همه

العضوة: 812405 , 5 years ago

النسبة الطبيعية لخزان السكري هي 6 بالنسبة للناس العاديين اما مرضى السكري 7 جيدة لهم لاكن 11 مرتفع هذا تفسير مخبري ولا تخافي انا مريضة قبل حملي بالسكري وانجبت منذ 6 اعوام كل شيى بخير والحمد لله والان انا حامل بفضل الله واقيس سكري وآكل ما اشتهيت لاكن مع مراقبة بجهاز قياس نسبة السكر في الدم وادعو لي بتمام الحمل السليم والصورة الكاملة وربي يسعدني ويسعدكم اجمعين 😘

العضوة: 809377 , 5 years ago

@user-779161 انا مشكلتي وحامي كان صعب كتيييير كتير وحتى المي ماكنت احسن اشربها واول خمس اشهر كلها بقضيها تعب و وهن وارق وحالتي النفسية بتكون زفت بكل معنى الكلمة ونزل وزني تقريباً عشرة كيلو ... وماحسنت اغصب حالي على الاكل لانو هاي شغلة والله مو بايدي امي وزوجي وحماتي وكل الي حوالي كانو شي يسايروني شي يعاتبوني كرمال اكول بس ماحدا يضغط عالي لانو الشغلة كانت خارجة عن سيطرتي بس هاي كانت مشكلتي بكل حمل وهادا رابع حمل الوحيد الي صابني سكر الحمل فيه مابعرف بجوز الهرمونات والعمر الهون دور

العضوة: 809377 , 5 years ago

@user-812405 ربي يتمملك حملك على خير ويرزقك الذرية الصالحة اي اليوم كنت عند الدكتور وقلي النسبة الطبيعة 6 وعملي سحب دم ثلاث مرات على ثلاث ساعات اول مرة على الريق وبعدها عطوني شراب محلى كتير وبعد ساعة رجع سحب دم وكمان استنيت ساعة ورجع سحب دم قال بدو يشوف نسبة حرق جسمي للسكر بشكل طبيعي والنتائج بتطلع إنشالله بكرى وإنشالله يكون خير

العضوة: 812405 , 5 years ago

آمينننن. نعم يعملون مثل هذه الطريقة لمعرفة قدرة حرق السكر في الدم الله الله يسمعك خير ويتمملك حملك على خير

العضوة: 89145 , 5 years ago

ما تخافي حبيبتي أنا صار معي قبل هاد الحمل ومع اتباع الحمية بعد ماخلفت راح بعد الولادة هلأ أنا بالشهر الرابع بعد ماعملت تحليل سكر لشوف اذا هالحمل هاد حيصير معي ولا لأ وان شاء الله بالسلامة حبيبتي🌹

العضوة: 809377 , 5 years ago

@user-89145 حبيبتي ربي يسعدك ويطمن قلبك ويتمملك حملك على خير وسلامة يارب وإنشالله هالمرة مايطلع معك سكر الحمل🙏🏻 انا رجعت عملت تحليل لخزان السكر بالدم وطلع لما بتناول السكريات جسمي بدو وقت طويل ليحرق الكمية لهيك بيرتفع باول كم ساعة بنسبة عالية كتير وبعدها بيصير طبيعي قلي الدكتور انو هادا اقل خطورة من سكر الحمل بس بجميع الاحوال انا محمية عن السكريات

العضوة: 89145 , 5 years ago

@user-809377 واياكي أن شاء حبيبتي وان شاء الله التمام ع خير يارب♥️🌹🤍

العضوة: 770981 , 5 years ago

رجعتي فحصتي التراكمي ؟؟؟ الفحص التاني للسكر؟

العضوة: 809377 , 5 years ago

@user-770981 اي حبيبتي انا رجعت عملت تحليل لخزان السكر التراكمي بالدم وطلع لما بتناول السكريات جسمي بدو وقت طويل ليحرق الكمية فهالشي بيرفع السكر باول كم ساعة بنسبة عالية كتير وبعدها بكم ساعة بيصير طبيعي قلي الدكتور انو هادا اقل خطورة من سكر الحمل بس لما بيرتفع بعد الاكل بحس حالي عم اختنق والتنفس عندي بيصير صعب وبترتفع حرارتي وقلبي بيصير بيخفق بسرعة فانا بجميع الاحوال محمية عن السكريات