صبايا الي عندها نصيحة بخصوص سكر الحمل ياريت تفيدني انا بالاسبوع 26 اليوم حكى معي الدكتور وقلي نتائج تحاليل الدم طلعت وطلع معي سكر الدم عالي كتير وحتى الدكتور مصدوم من النسبة انا هادا حملي الرابع ولا مرة صار معي سكر الحمل لهيك ما كنت بعرف بالاعراض الاعراض الي كنت حس فيها اني كنت بفوت على الحمام كتير كتير احياناً حوالي عشرين مرة بالنهار وكنت اشرب مي كتير على طول حس حلقي جاف واتعب بعد كل وجبة اكل حس حرارتي طلعت وقلبي يصير يدق بسرعة ويصير معي مثل إرهاق شديد وضل متسطحة ساعة او ساعتين لحتى يهدا جسمي بس انا كنت قول انو هالاعراض بسبب الحمل والتعب الجسدي و وزن الجنين وانصدمت اليوم انو طلع معي السكر عالي كتير بالدم قال الدكتور انو راح يرجع يعمل فحوصات شاملة لخزان السكر ونسبة حرق الانسولين للسكر بالدم والموعد نهار الاثنين بليز صبايا الي بتعرف شي عن سكر الحمل او عندها تحربة معو وكيف فيني نزل المستوى تحكيلي !!