العضوة: 638652 , 5 years ago

اولا سلامتك ما تخافي ابدا ما بخوف بس يمكن تمر فترة حمل صعبه شوي لانو لازم اللتزام بعدة اشياء .. انا صار معي بحملي الاول وبرضو بالثاني والحمدلله انا بالشهر التاسع وكلشي بخير ... اولا حسب نسبة السكر عندك الدكتور بقرر شو تعملي في كثير اشياء حميه غذائيه خصوصي لسكر واذا ما رضي ينزل بالحميه وحتاج لادويه او اينسلولين بيعطوكي بس ما تخافي فترة وبتعدي واذا التزمتي منيح بختفي باذن الله بعد الولادة .. برضو رح يزيدن الفحوصات وضلي متابعه الحمل بكل فترة وتقيسي السكر بانتظام بالبيت .. اهم اشي وزن الجنين ما يكبر كثير لانو الي عندهن سكري حمل الجنين اذا كبير كثير بيكبر بأكتافوا وبكون صعب يولد طبيعي بس اذا حافظتي على سكر متوازن كلشي بكون تمام ان شاء الله .. وبالعادة بشكل عام الي عندها سكري حمل بولدوها بالاسبوع 38 طبيعي بعطوها محفزات الا اذا كان كلشي تمااام والجنين مانو كبير ودقات قلبو منيحه وانتي ما عندك اوجاع وهيك حسب شو الدكتور بقرر لوقتها .. بس ما تخافي حتى لو كان عالي كثير في كثير طرق لسيطرة على السكر طبعا مع الالتزام والأرادة والمتابعه اهم اشي ... الله يتمملك على خير ... ان شاء الله

العضوة: 809377 , 5 years ago

@user-638652 الله يسلمك ويجبر بخاطرك يارب ويقومك بالسلامة انتي والبيبي مابعرف والله دخلت على غوغل اقرأ عن الموضوع في إحتمالات ونتائج بتخوف وانا ماعندي اي خلفية عن الموضوع ولا حتى بالعيلة مافي وحدة صار معها هيك لاعرف لهيك قلت بنشر هون وبشوف الي صار معها قبل سكري بالحمل بتحكيلي شو تصرفت وكيف كان الوضع بعد الولادة بالنسبة للام وللجنين

العضوة: 638652 , 5 years ago

تسلمي ما تخافي ابدا بعد الولادة برضو بتلتزمي فترة صغيرة وبروح السكر .. اولها بكون يمكن كلشي جديد عليكي وصعب بس بتتعودي وبصير الاشي سهل تقيسي السكر وتحافظي على نمط اكل حسب الساعات والكميه وكلشي بكون منيح اذا حافظتي ما بكون في خطر ابدا ان شاء الله .. من الافضل تبدي من هلكيت تقليلي سكريات والافضل تبعدي عنهن وتبدليهن باشيا اكثر صحيه وخاليه من السكر ومثلا اذا بدك تشربي اشيا سخنه محلاه في بديل لسكر بنباع بالصيدليات حسب شو موجود ببلدكم بكون خاص للي عندهم سكر . وقليلي كمية الفواكه لحد ٢ ل ٣ حبات باليوم مش اكثر كبدايه لانها في سكر كثير حتى لو كان طبيعي وطبعا لازم تروحي على مختصة غذائيه بتشرحلك كلشي ... سلامتك ..

العضوة: 755679 , 5 years ago

انا صار معي بحملي اللي قبل وهذا الحمل فعلا نفس الاعراض اللي مريتي فيها مريت فيها قبل والحين وكان دائما عالي الدكتورة قالت لاازم اكل اكل صحي وابعد عن الرز والخبز الابيض والحلويات والسكر الابيض والعصاير المعلبه والغازيات والاكلات المشبعه بالدهون الضارة مثل المقالي والفاست فود واكل خضروات وخبز اسمر وفواكهه وعصاير طبيعيه ولحوم واسماك ودجاج وشوكلاته دارك ومكسرات نيه غير مملحه وفعلا التزمت واموري تمام كانت في حملي اللي قبل هذا الحمل مالتزمت سكري دائما مرتفع بنسب كبيره والدكتورة قالت لي نفس الكلام لازم التزم لان اذا ما التزمت راح اظل معاي السكر لي بعد الحمل واضطر اخذ حبوب وممكن ينتقل للجنين والسكر ازيد وزن الجنين وكل ما كبر الجنين تكون الولادة صعبه وقالت لي اذا وصل الى ٥ كيلو الجنين نولد قيصري 🥺 فلازم نلتزم عشان نتفادى هذي الاخطار وسلامتك هذي تجربتي ونصايح الدكتورة وحبيت افيدك

العضوة: 809377 , 5 years ago

@user-638652 حبيبتي ربي يسعدك والله انا من امبارح وحالتي النفسية بالاراضي وقضيتها بكى وإكتئاب 💔 الحمدلله على كل حال ومن بعد ما حكى معي الدكتور فوراً امتنعت عن اكل كل شي في سكريات و راح استنا الموعد نهار الاثنين لانو انا باوربا والسبت والاحد عنا عطلة بس تقريباً بعد الولادة اديه بدي وقت لوقف حمية السكري ؟

العضوة: 809377 , 5 years ago

@user-755679 عزيزتي ربي يكملك حملك على خير يارب 🙏🏻 متل مافهمت مخاطر ونتائج ارتفاع سكر الدم عند الحامل سيئة لازم تلتزمي بالحمية كرمالك انتي والبيبي ربي لا يضركون انا مشكلتي مو بزيادة وزن الجنين لانو اصلاً انا مابولد طبيعي ولاداتي كلها قيصريات المشكلة خايفة يصير للبيبي شي او انو سكر الدم يضل معي حتى بعد الحمل

العضوة: 698113 , 5 years ago

طيب ايش اسبابه هل صحيح انو اذا كثرتي حلويات يصير معك سكر حمل ولا له اسباب ثانية ؟

العضوة: 809377 , 5 years ago

@user-698113 والله اذا على اكل الحلويات انا اخر وحدة بالكون راح يصير معها سكري لانو بحياتي كلها من وانا طفلة لهلأ بكره كل شي حلو ولا بطيقو ابدا من بوظة وحلويات وشوكولا وكاتو ولا عصير ولا شي ولا باكلهون ابدااا لك انا حتى الفواكه ما باكلها لانو طعمتها حلوة من وين اجاني ارتفاع سكر بالدم ما عم بعرف !!

العضوة: 674897 , 5 years ago

ماتخافي روحي والله انا كمان معي سكر حمل بس انتبهي ع اكلك وتوكلي على الله باذن الله مابيصير شي صراح انا اول ماسمعت متلك اكتير زعلت وبكيت بس الحمدالله اتعودتت حاليااا دخلت شهري والحمدالله كلشي تمام مابيصير الي كاتبو ربنا لا تشغلي بالك لان زعل كمان باثر عليكي والله ماتخافي بس قد كان سكر مرتفع معك ؟؟؟

العضوة: 674897 , 5 years ago

لا مادخل انا مابحب الحلو ابدااا بس وطلع معي سكر حمل بس الف الحمداالله مابيصير غير الي كاتبو ربنا علينا الف الحمدالله 💕

العضوة: 809377 , 5 years ago

@user-674897 ربي يريح بالك ويسعد قلبك ويتمملك حملك على خير والله انا يمكن انصدمت بزيادة لهيك زعلت كتير وخصوصي انا ماتولي اربع اطفال ببطني الحمدلله على كل حال بس اليوم حاولت اتقبل الموضوع واتوكل على الله ومابيصير إلا الي كاتبو ربنا قلي الدكتور انو نسبة 7,5 تعتبر عالية وانو انا صايرة النسبة 11,5 بصراحة مافهمت على النسب هي ارقام مخبرية

العضوة: 674897 , 5 years ago

الله يسعدك يارب عادي حبيبتي انا اول مرة كان نسبة السكر ١٣ يعني كتيررررر عالي بس بعدنا صرت انتبه الحمدالله بس لازم اعلى شي بعد اكل يطلع عندك ٨ فوق ٨ عالي ولكن تحت ٨ عادي طبيعي الله يحميكي ويحمي والبيبي وتقومي بخير وسلامه يارررررب بس والله ماتخافي باذن الله ماباثر ابدااا 😘😘😘

العضوة: 698113 , 5 years ago

سبحان الله الله يشفيك يارب ترا سكر الحمل بس مع الحمل ويروح لاولدتي لاتخافي

العضوة: 755679 , 5 years ago

حبيبتي أجمعين حسب كلام دكتورتي اذا ما التزمتي بالحميه الغذائيه ونسبه السكر جدا عاليه بضر الجنين ويظل معك لي آخر عمرك لاسمح الله

العضوة: 755679 , 5 years ago

ما له اسباب معينه هو تغيير فيه هرمونات الحمل والمرأه من عمر ال٣٠ سنه ومافوق اصيبها بالحمل انا مافيني سكر كل حملاتي ما صار فيني بس آخر حملتين صار